Phone Articles · Oct 23, 2026 · 4 min basahin

RAM vs storage: ano'ng pinagkaiba at ilang GB ang kailangan mo?

Nalilito ka ba sa RAM at storage kapag bumibili ng phone? Madali lang pala 'to kapag inisip mong mesa at aparador.

Panoorin din sa YouTube at sa TikTok

1. RAM = mesa, storage = aparador

• RAM 'yung mesa kung saan ka nagtatrabaho. Dito tumatakbo 'yung mga app na bukas ngayon. Mas malaki ang mesa, mas maraming app ang kayang sabay-sabay na bukas nang 'di bumabagal.
• Storage naman 'yung aparador. Dito nakatago ang photos, videos, apps at files mo, kahit naka-off ang phone.

Kaya magkaibang problema ang "puno na ang storage" at "kulang ang RAM."

2. RAM: sapat na ang 6GB to 8GB sa karamihan

Kung Facebook, TikTok, YouTube, Messenger at GCash lang, okay na ang 6GB to 8GB na RAM. Kung heavy gamer ka o madalas mag-edit ng video, saka ka tumingin ng mas mataas.

Tip: 'yung "virtual RAM" o "RAM expansion" sa ibang phone, storage lang talaga ang ginagamit, kaya mas mabagal 'yan kaysa totoong RAM. Tingnan mo 'yung totoong RAM sa specs.

3. Storage: 128GB at least

• Mabilis mapuno ang 64GB. Malaking parte na niyan, kain na ng system at apps pa lang.
• Kumuha ka ng at least 128GB. Kung mahilig ka sa video, mas okay ang 256GB.
• May microSD slot ba ang phone? Pwede kang magdagdag ng storage para sa photos at videos.

In short

1. Social media at YouTube lang: 6GB to 8GB RAM
2. Storage: at least 128GB
3. 'Wag umasa sa virtual RAM
4. May microSD slot? Bonus 'yan

Mabagal na ang phone mo ngayon? Subukan mo muna ang 3 libreng fix bago ka bumili ng bagong phone.

May tanong ka pa? I-message mo kami, o i-follow mo kami sa TikTok at YouTube para sa mga bagong tips.