Security Articles · Oct 20, 2026 · 4 min basahin

3 scam sa Messenger na dapat alam ng buong pamilya

Kapag natanggap mo ang alinman sa tatlong message na 'to sa Messenger, scam 'yan. I-share mo sa pamilya para safe din sila.

Panoorin din sa YouTube at sa TikTok

1. "Ikaw ba 'to sa video?" na may link

Minsan galing pa sa kaibigan mo, pero na-hack na pala 'yung account niya. Papunta ang link sa pekeng login page para makuha ang password mo. 'Wag i-click. Sabihan mo ang kaibigan mo sa ibang paraan na baka na-hack siya.

2. Kaibigang biglang nanghihiram

"Pwede pahiram muna? Ibabalik ko bukas." Kahit kilala mo ang pangalan at picture, baka hacker na ang may hawak ng account. Tawagan mo muna ang kaibigan mo bago ka magpadala ng pera.

3. "Madi-disable ang account mo"

Message na may violation ka raw at madi-disable ang account mo kung 'di ka mag-verify sa link. Hindi ganyan mag-message ang Meta sa Messenger. Kung gusto mong i-check, punta ka mismo sa Settings ng Facebook app, 'wag sa link.

Ano'ng gagawin mo

1. 'Wag i-click ang link, at 'wag ibigay ang code o password.
2. I-report at i-block ang account.
3. Na-click mo na? Palitan agad ang password at i-on ang two-factor authentication.

Basahin mo rin: Para 'di ma-hack ang Facebook mo.

May tanong ka pa? I-message mo kami, o i-follow mo kami sa TikTok at YouTube para sa mga bagong tips.