Peke ba ang charger mo? 3 senyales na dapat mo na itong palitan
Hindi lang mabagal ang pekeng charger. Pwede nitong sirain ang battery mo, at pwede pang pagmulan ng sunog. Kapag may ganito ang charger mo, itigil mo na.
Panoorin din sa YouTube at sa TikTok
1. Sobrang gaan at nipis
Mas mabigat ang original na charger kasi kumpleto ang parts sa loob, kasama 'yung mga safety components. Kung kakaiba ang gaan ng charger mo kumpara sa original, kahina-hinala na 'yan.
2. Malabo ang print o mali ang logo
- Malabo o madaling mabura ang sulat
- Mali ang spelling ng brand o logo
- Walang nakasulat na specs (input, output, watts)
3. Sobrang init habang nagcha-charge
Normal lang na medyo uminit ang charger. Pero kung sobrang init na mahirap nang hawakan, may amoy, o may tunog, i-unplug mo agad. Delikado na 'yan.
Paano iwas peke
- Sa Shopee Mall, LazMall o official store ng brand bumili.
- Iwasan 'yung sobrang murang "original" na wala sa official store.
- 'Wag mag-charge sa kama o sa ilalim ng unan.
Basahin mo rin: Hindi pare-pareho ang USB-C cables.
Mga gamit na makakatulong
May tanong ka pa? I-message mo kami, o i-follow mo kami sa TikTok at YouTube para sa mga bagong tips.
