Nabasa ang phone? 'Wag sa bigas! Eto ang dapat gawin
Nalaglag sa tubig ang phone mo? 'Wag mag-panic, at 'wag mo munang ilagay sa bigas. Eto ang dapat mong gawin.
Panoorin din sa YouTube at sa TikTok
1. Patayin agad, at 'wag i-charge
Kapag may tubig sa loob, pwedeng mag-short circuit habang naka-on o naka-charge. Patayin mo agad at 'wag isaksak, kahit gusto mong i-check kung gumagana pa.
2. Patuyuin sa hangin
- Tanggalin ang case at SIM tray.
- Punasan ang labas gamit ang malambot na tela.
- Itapat sa electric fan (malamig na hangin lang).
- 'Wag gumamit ng hair dryer o kahit anong init. Pwedeng masira ang parts sa loob.
3. 'Wag sa bigas, at maghintay ng isang araw
'Di gaanong nakakatulong ang bigas, at pwede pang pumasok ang alikabok at butil sa mga butas. Mas okay ang hangin. Maghintay ng isang buong araw bago mo subukang i-charge.
Tubig-dagat, o 'di pa rin gumagana?
Mas delikado ang tubig-dagat dahil sa asin, kaya dalhin mo agad sa service center. Ganoon din kung 'di pa rin bumubukas, o may kakaiba pagkalipas ng isang araw.
Mga gamit na makakatulong
May tanong ka pa? I-message mo kami, o i-follow mo kami sa TikTok at YouTube para sa mga bagong tips.
